حبحر تطبيق لتتبع الأكل والوزن تشغّله مؤسسة سائر في المملكة العربية السعودية. هذي السياسة توضح وش نجمع، وليش، ووين يتخزن.
وش نجمع
- معلوماتك في التطبيق: العمر والجنس والطول والوزن والهدف ومستوى النشاط، عشان نحسب احتياجك اليومي.
- يومياتك: الوجبات والمويه والخطوات والوزن. تتخزن على جهازك، وإذا سجّلت دخول تنحفظ نسخة احتياطية منها في حسابك.
- صور الوجبات والأوصاف: ترسل لخادمنا للتحليل فقط، ولا نحتفظ فيها بعد ما يرجع لك الناتج. الصورة تبقى في جهازك.
- صور ملصقات المنتجات الجديدة: إذا صوّرت ملصق منتج ما كان عندنا، نحفظ الأرقام والصورة عشان يراجعها فريقنا ويصير المنتج متاح لكل المستخدمين. الصورة تنحذف بعد المراجعة أو بعد 30 يوم بالكثير، ولا تحتوي أي معلومة عنك.
- محادثة المدرب: تتخزن في جهازك. نرسل للمدرب ملخص أرقامك عشان يرد عليك، ولا نحتفظ بالمحادثة على خوادمنا.
- Apple Health: إذا سمحت، نقرا الخطوات والوزن ونكتب المويه والوجبات. ما نشارك بيانات Apple Health مع أي طرف ولا نستخدمها للإعلانات.
- الأصحاب: إذا أضفت أصحاب، يشوفون اسمك وملخص يومك (السعرات والمويه والخطوات والوزن). تقدر تحذفهم بأي وقت.
- الإشعارات: نحفظ رمز الإشعارات عشان نرسل لك التذكيرات وتنبيهات الأصحاب.
- الأعطال والاستخدام: بيانات تقنية عن الأعطال وطريقة استخدام الميزات، بدون محتوى وجباتك.
الجهات اللي نستخدمها
- Anthropic: نموذج الذكاء الاصطناعي اللي يحلل الوجبات ويشغّل المدرب.
- Cloudflare: خادم التطبيق وقاعدة المنتجات.
- Supabase: الحسابات والنسخ الاحتياطي والأصحاب.
- Apple وRevenueCat: الاشتراكات والدفع. ما نشوف بيانات بطاقتك.
- Sentry: تتبع الأعطال.
- Expo: إرسال الإشعارات.
ما نبيع بياناتك، ولا نستخدمها للإعلانات.
حقوقك
تقدر تحذف حسابك وكل بياناتك من داخل التطبيق: الإعدادات ← حذف الحساب. ولأي طلب أو سؤال راسلنا على support@habhar.app.
تنبيه صحي
الأرقام والنصائح في حبحر تقديرية وللمساعدة فقط، وما تغني عن استشارة طبيب أو أخصائي تغذية.